尋魚記 (已結業)

今次同新返去Vcity尋漁記食酸菜魚，彌補返上次返深圳無時間食嘅遺憾Vcity 開咗理間新式上海酒樓真係好，吾洗排隊過關都食到，果晚同親叫左好多野，因為好肚餓，我地叫左金湯酸菜魚、四川擔擔麵、京蔥爆牛仔肉同高力豆沙，真心好吾錯金湯酸菜魚，佢個湯底金黃色，超靚，勁有打卡feel，食落個湯底有好香嘅酸菜味，好開胃！魚肉真係好新鮮，所以口感好鮮嫩，一啲都吾會老，酸菜就帶嚟啲爽脆嘅口感，真係好ok，又夠大碟，可以三四個人 share都得！四川擔擔麵嘅樣都好吸引，一上菜就已經聞到好香，麵條好咬口，配埋佢香辣嘅醬汁同花生碎，味道辣辣地，好開胃！另外，京蔥爆牛仔肉嘅牛肉好嫩滑，經過炒煮之後，吸收咗蔥嘅香氣，甜甜辣辣咁，味道好香濃，好有酒樓嘅風味，認真係送飯一流！ 理到高力豆沙係我哋食過最好味嘅豆沙包之一，外皮香脆，而內裡嘅豆沙餡香甜滑順，一口咬落去真係滿足，做飯後甜品一流！尋魚記真係好吾錯，私認為係可以encore 嘅餐廳，而且環境都好舒適乾淨，啲食材都好新鮮，冇添加味精，份量又好多，一定夠飽，屯門呢個價錢有呢個質素真係好難揾㗎！下次再返泥試下其他新菜色！