影片
更多
2017-11-03
68 瀏覽
朋友揀定嚟樂園開心Gathering，佢話有貓玩，又有好多board game可以一齊玩。門口有一幅大公仔畫，仲有條彩虹，好似小朋友遊樂天地咁，見到都覺得開懷。未入門口，有隻貓就隔住玻璃門俾個HI Five我，哈哈，咁熱情嘅。一入到嚟我就揀左貓竇隔嚟坐，希望啲貓可以全晚陪住我，但可能我地太嘈，佢成晚都冇返過嚟。 我唯有主動去玩貓，可以任摸，但有啲高冷，唔俾抱，呢張係全晚唯一一張佢地嘅合照~~我地幾個先玩遊戲，真係好多Board game。成個櫃都係︰玩左呢個小遊戲，我發現︰腦筋遲鈍、手腳唔協調嘅我係玩唔到架。 雖然慘敗，但都幾好玩，又好笑。仲有一個小遊戲，測試到朋友間嘅了解程度，今次先發現我同某人，真係心有靈犀。一路玩一路食，成晚都好開心。叫左啲嘢食大家開心share~多國香腸拼盤配燒汁$138 - 唔同嘅腸，一大碟上枱，夠晒熱辣辣，大家分享食啲，做小食唔錯。仲配有沙律菜同燒汁。流心芝士蛋$148 - 原來都係配左香腸，仲有啲薯角。主角當然係流心芝士蛋，外面用煙肉圍住，入面係半熟流心蛋，一入口，啲蛋汁就爆晒出嚟，香甜多汁，正。黑松露鮮菇意大利飯$148 - 意大利飯好煙韌，入口好有口感
未入門口，有隻貓就隔住玻璃門俾個HI Five我，哈哈，咁熱情嘅。一入到嚟我就揀左貓竇隔嚟坐，希望啲貓可以全晚陪住我，但可能我地太嘈，佢成晚都冇返過嚟。 我唯有主動去玩貓，可以任摸，但有啲高冷，唔俾抱，呢張係全晚唯一一張佢地嘅合照~~
我地幾個先玩遊戲，真係好多Board game。成個櫃都係︰
玩左呢個小遊戲，我發現︰腦筋遲鈍、手腳唔協調嘅我係玩唔到架。 雖然慘敗，但都幾好玩，又好笑。
仲有一個小遊戲，測試到朋友間嘅了解程度，今次先發現我同某人，真係心有靈犀。
一路玩一路食，成晚都好開心。叫左啲嘢食大家開心share~
多國香腸拼盤配燒汁$138 - 唔同嘅腸，一大碟上枱，夠晒熱辣辣，大家分享食啲，做小食唔錯。仲配有沙律菜同燒汁。
流心芝士蛋$148 - 原來都係配左香腸，仲有啲薯角。主角當然係流心芝士蛋，外面用煙肉圍住，入面係半熟流心蛋，一入口，啲蛋汁就爆晒出嚟，香甜多汁，正。
黑松露鮮菇意大利飯$148 - 意大利飯好煙韌，入口好有口感，每粒都吸收晒磨菇汁，撈埋黑松露醬一齊食，好滋味。
帶子有三大粒，屬刺身級別，兩面微微封煎，幾香口。入面顏色雪白，鮮甜爽彈。
雪糕對對碰$52 - 雙球雪糕，同我平時食嘅Dreyer's好似，應該係Dreyer's雪糕嚟。
薰衣草茉莉茶 跟餐加$35 - 都幾濃，成晚加左好多次水都依然咁濃。零加糖，好健康，仲成晚暖笠笠。餐牌仲話可以舒壓安眠，潤腸排毒添~
彩虹特飲《 藍》 跟餐加$35 - 藍天柚子特調，將試管藍色液體慢慢倒入去，慢慢變色，好靚。柚子味加上檸檬味道清新，仲有其他水果。
餐廳位於尖沙咀，位置方便，放工嚟同啲friend gathering，有得食有得玩，暫時忘卻平日工作嘅鬱悶，以後要定期搞gathering先得~
張貼
