話說考完試放學無野做於是男朋友提議再去一次~~
係炮台山落，路程應該10分鐘到啦~~
不過唔熟路既畫定地圖照住行會好D，幾多轉彎位
今次去到終於有開啦！！！大概一點半去到無人客，於是入到去任坐~~~
我點左芝士牛肉漢堡餐，再加芝士同魚柳！專登嚟食係因為佢有得自己加錢任加料！！！！！我好中意食芝士架！！！！
男朋友點左雞柳定雞扒漢堡餐
我地再叫左小食芝士薯波
男朋友既漢堡包成個份量十足，雞扒係煎架，雖然有少少薄不過幾惹味~~~~
我既芝士牛肉漢堡方面，牛肉真係十分抵讚！！！！
非常厚身同juicy!!!!!係麥記既兩倍但juicy好多！！！魚柳就無太大驚喜啦~~~
仲有我係個好唔鐘意食醬既人，無奈今次唔記得走醬，令到漢堡包入面有魚柳包醬，不過醬比較稀，唔係一patpat咁，但係味道唔錯所以我呢種人都接受得到！
另外最值得讚既係薯條！！！！！好粗身又長，而且好大包非常飽肚！！！！薯條唔會好脆，唔知係咪因為新鮮薯仔切定係太厚身呢？
偶有幾條會見到仲有薯皮係上面~~~而且唔會炸得好油膩~~~~真係非常好！！！
芝士薯波係抵食既小食！有大概十粒到，每粒直徑有一個半手指頭咁大~~~
口感就好似細細粒既薯餅，裏面有少少芝士，我個人就覺得芝士味都幾濃~~~~
汽水係罐裝既，當然比杯裝汽水好得多啦！
服務員有禮貌有笑容，呢樣係我心目中好加分，因為我最憎去D服務態度差既食肆！！！
總括而言呢餐非常滿意，我同男朋友食到個肚漲卜卜
