影片
更多
2024-02-09
650 瀏覽
《臺北棧 - 銅鑼灣》記得前一段時間，突然之間好興食台式鮮奶麻糬，我個人本身都係一個煙韌控，對於一啲煙煙韌韌韌韌可以拉絲嘅食物特別難抗拒，今次就特登嚟咗呢一間好多人打卡嘅台灣餐廳，真係專程去試佢嘅鮮奶麻糬架😉其實咸食食落都好唔錯咼💁🏻♀️明太子甜不辣 $78甜不辣其實就即係由魚漿製成既魚片，口感彈牙煙煙韌韌的👍🏻係我喜歡既質感，上面淋左不少明太子沙律醬調味，隱約食到少少既辣味，濃味控應該會幾鍾意的💁🏻♀️髒髒鹹蛋黃芋泥蛋餅 $88我本來以為呢個蛋餅係當咸食咁食，但食落其實口味偏甜少少，個芋泥味道幾出，奶香十足，但我個人覺得有點蓋過左鹹蛋黃既香氣，不過成個小食打卡又真係幾靚既，當甜品食都幾唔錯💁🏻♀️魯肉伴台灣A菜 $88哈哈，A菜其實係咪即係油麥菜呀？個口感好似呢🤣食落爽口無渣，伴埋魯肉汁食十分香濃，味道不錯👍🏻💁🏻♀️招牌魯肉飯 $68魯肉飯都係我每次食台灣菜必食嘅item之一，飯粒我好著重架，佢用左珍珠米製作，米香味重同埋彈牙，可以掛上香濃既魯肉汁，入面混和左菇菌同埋一啲香料，油香十足而且食到粒粒分明既魯肉，好好食😋💁🏻♀️Oreo奶奶麻糬 $98食飽飽主食，當然就要食甜品啦🫰🏻今
記得前一段時間，突然之間好興食台式鮮奶麻糬，我個人本身都係一個煙韌控，對於一啲煙煙韌韌韌韌可以拉絲嘅食物特別難抗拒，今次就特登嚟咗呢一間好多人打卡嘅台灣餐廳，真係專程去試佢嘅鮮奶麻糬架😉其實咸食食落都好唔錯咼
💁🏻♀️明太子甜不辣 $78
甜不辣其實就即係由魚漿製成既魚片，口感彈牙煙煙韌韌的👍🏻係我喜歡既質感，上面淋左不少明太子沙律醬調味，隱約食到少少既辣味，濃味控應該會幾鍾意的💁🏻♀️髒髒鹹蛋黃芋泥蛋餅 $88
我本來以為呢個蛋餅係當咸食咁食，但食落其實口味偏甜少少，個芋泥味道幾出，奶香十足，但我個人覺得有點蓋過左鹹蛋黃既香氣，不過成個小食打卡又真係幾靚既，當甜品食都幾唔錯💁🏻♀️魯肉伴台灣A菜 $88
哈哈，A菜其實係咪即係油麥菜呀？個口感好似呢🤣食落爽口無渣，伴埋魯肉汁食十分香濃，味道不錯👍🏻
💁🏻♀️招牌魯肉飯 $68
魯肉飯都係我每次食台灣菜必食嘅item之一，飯粒我好著重架，佢用左珍珠米製作，米香味重同埋彈牙，可以掛上香濃既魯肉汁，入面混和左菇菌同埋一啲香料，油香十足而且食到粒粒分明既魯肉，好好食😋
💁🏻♀️Oreo奶奶麻糬 $98
食飽飽主食，當然就要食甜品啦🫰🏻今次我哋叫咗Oreo口味嘅鮮奶麻糬，一如介紹講既奶香十足☺️而且口感軟糯香滑，點Oreo粉食又點會唔好食😙雖然價錢上稍微有少少高，但都幾值得的，因為份量都幾多下，食曬都真係飽飽的，同人share食就最理想不過了
💁🏻♀️紅豆沙牛乳 $48
我朋友今次揀咗杯紅豆沙牛乳，味道其實有點似紅豆冰，但係佢紅豆嘅質地就比較滑身，飲落順喉又唔會太甜，同牛奶嘅味道好夾
💁🏻♀️玫瑰荔枝蘇打 $45
因為我鍾意玫瑰口味嘅東西，所以就揀咗呢杯玫瑰荔枝梳打，荔枝味幾重，同時都飲得到香甜嘅玫瑰糖漿味，但係我個人就覺得甜咗少少，怕甜嘅話記住要同餐廳講少甜
張貼
