Tipsy Tap (已結業)

三個朋友好耐無出街飲過野，約左去尖沙咀一間比較僻靜嘅街嘅餐廳酒吧，星期一不算多人，想再約星期五，聽侍應講星期五唔訂差不多一定無位。講返今晚，叫左三樣野食，法式荷蘭醬焗田螺，手工啤炸魚升級黑松露薯條，13安士安格斯肉眼。田螺那個醬很好滑，炸魚肉質細膩，問侍應話係青衣柳，百二蚊竟然有這質素的魚塊，性價比很高，但萬萬想不到牛扒係主角之中嘅主角，香濃牛味，油花肉汁多，表面香脆，雖然無fine dining 嘅餐具同環境，但質素拍得住雙倍價錢嘅牛扒！啤酒方面叫了一隻酸啤，都係第一次飲酸啤，感覺像黑梅果汁，但不知不覺都high high 地，朋友叫了款ipa，果香味十足，飲落唔太苦澀。值得一讚係侍應講解不同類型嘅啤酒，不過有成二十隻，可能要黎多幾次先飲得哂，但侍應話經常換款，隨緣吧😄