The Point - Pizza & Pasta (將軍澳中心) (已結業)

今日晚餐約左個朋友食飯，the point係朋友最愛，因為佢超鐘意食pizza！佢之前食過尖沙咀和銅鑼灣店，今晚帶左我黎新開分店pop corn，試試第三間分店既水準。放工過到黎將軍澳已經9點，餐廳人客唔多，環境好悠閒寧靜，店員服務又夠貼心！我地叫左二人dinner set！先來挪威煙三文魚，smoked salmon充滿口感，厚厚的煙燻味濃香口，略帶咸香！蕃茄火雞肉丸熱辣辣，中間有肉汁，帶有蕃茄甜香！小食份量剛剛好，非常期待main course！肉醬意粉配溫泉蛋，意粉掛上濃濃醬汁，肉醬份量好足夠，加上溫泉蛋的蛋漿，好滋味呀！之後我地叫左煙鴨胸pizza，加上honey and blue cheese，好惹味！芝士有拉絲，而且咸香，批底夠薄夠香脆！另外仲有菠蘿soda，超滿足！