赤本山 (已結業)

今次到訪將軍澳人氣Omakase店《赤本山》。晚餐分有「赤」、「本」和「山」三個Omakase套餐，我今次就試左「山」$1380。🌟先付小木盒打開十足月光寶盒，碎石上面放入4款前菜，分別係十勝薯仔、柚子甜煮南瓜、春菜漬、和青檸啫喱。🌟刺身鮫鰈魚產自北海道，師傅輕微炙燒，再加入竹炭鹽和紫蘇花碎，帶有少許魚鮨，紫蘇花又達到解膩作用。小長井生蠔日本生蠔相對海水味冇咁濃，味道清甜，加入秘製酸汁就好開胃。日本白象拔蚌師傅故意切成條狀，口感非常爽口，加入青檸汁和芥茉就已經好鮮味。馬友一夜干魚皮好香脆，口感好似串燒一樣。🌟壽司真鯛味道比較淡身，就淡淡嘅甜味。紋甲魷魚本身魷魚味道比較清淡，師傅用左火炙，再加入岩鹽和青檸汁，味道清新。間八口感爽口又肥美。深海池魚外型同間八差唔多，加入青柚皮，更加帶出鮮味。刺身級銀雪魚慢慢咀嚼，油份慢慢滲出來，係口腔久久不散。活赤貝師傅輕輕一拍，活赤貝就在手中收縮，口感爽脆又新鮮。長崎鰤魚肉質緊實又鮨香。帆立貝好厚身，加入柚子皮帶出鮮甜。吞拿魚赤身油分相對較少，顏色呈深紅色，味道清淡又微甜。大拖羅油份豐富，入口即溶。真鯖油鮨相對較濃厚，有嚼勁。北海道馬糞海膽滿滿嘅海膽堆成