星願 居酒屋 (已結業)

我好鐘意約朋友食飯，因為多個人一齊食嘢會開心啲，今日就約咗個朋友仔一齊嚟到新都城中心三期地下呢間星願居酒屋一齊食下燒物，順便聚下舊。好啦，我哋入咗餐廳之後，店員好有禮貌講地幫我哋落單，咁我哋叫咗11樣嘢食，咁簡單講吓幾款我較為喜愛嘅燒物，燒虎蝦 心形飯團，蝦嘅肉質彈牙，喺味覺與視覺嘅享受！跟住就係川味麻辣五花腩，超惹味同埋豬味甘香！😆鹽燒牛舌都好正，口感爽滑，油香味濃！😆鹽燒大蔥雞肉串又係驚喜嘅，就算係鹽燒，雞肉都保持到肉質鮮嫩度！😙最後就係帶子壽司，超肥美鮮甜！🥰