星願 居酒屋 (已結業)

週六約咗朋友食飯，上網搵咗好多餐廳嘅推介食評，見到呢間，馬上打電話訂咗位。準時到咗餐廳，餐廳風格特別，非常企理乾淨。員工嘅推薦下我地點左份一針穿心 - 燒虎蝦心形飯團，賣相又靚又好食！而金菇肥牛食落啖啖爽口! 咁日式海苔汁燒肥牛牛油果卷，呢個配搭不錯，精髓就係係個汁度，肥牛配上呢個汁，鮮美可口！川味麻辣五花腩亦相當惹味！😋七味粉鹽燒雞軟骨燒得好香又唔會話太硬！鹽燒牛舌夠厚又大塊！😍燒鮮冬菇雖然乾身但咬落重有本身嘅水份！食埋鹽燒大蔥雞肉串同鹽燒雞中翼已經好飽，所以食埋燒田園翠玉瓜就可以中和返！😚😚