ReDivine (CAPRI Place) (已結業)

前幾日趁住星期六同屋企人去將軍澳海邊行吓，行行吓有啲肚餓，見到呢度有間新開嘅泰式同西式fusion餐廳，環境幾靚，就入嚟食個飯。燒PRIME美國西冷•扒什菇•蒜鹽醬$228呢份西冷用成個煲上，揭開蓋會見到有個網，上面放住西冷同雜菜，底下有堆炭喺度燒緊。店員話本身西冷會預設燒咗三成熟，如果想熟啲，只要繼續俾佢喺塊網上面燒，就可以去到自己想要嘅熟度。西冷嘅肉味好濃郁，炭燒出黎嘅亦都特別香，好好食。冰島比目魚•檸檬香茅焗•紙包魚$188紙包嘅比目魚都係第一次食，比目魚嘅魚肉好滑好滑，檸檬香茅味嘅醬汁同比目魚亦都好夾，可以食得出比目魚嘅鮮味。旁邊亦都有啲雜菇雜菜可以食，份量都幾大，食得幾飽。每個餐都包一杯汽水或者咖啡。想讚下呢度隻咖啡杯好靚，咖啡味亦都幾香濃。斑蘭蛋糕$98最後叫返份甜品，呢份斑斕蛋糕擺設都好靚，蛋糕本身都有啲椰香味，好好味，又唔會太甜。旁邊仲有好清甜嘅芒果同埋清香嘅柚子雪葩，整體黎講呢份甜品都算係一份清新嘅甜品，幾值得一試。特別一讚呢度嘅服務幾好，因為前兩日開始天氣轉涼，店員特登提供暖水俾我哋飲，幾貼心。