ReDivine (CAPRI Place) (已結業)

今日喺openrice見到呢間精緻嘅西泰fusion，適逢同女友拍拖即刻book嚟試試! 搵咗一輪發現原來喺2個海旁嘅屋苑之間，非常唔易搵，但內裏無論佈置定空間都好有格調!原隻大魷魚。混合香料。串燒 ($148)個魷魚燒得好爽口，而且配上自家製香料醬汁，酸甜得嚟又好辣，非常之有泰式風味西班牙豬肋骨。小火山 ($238)非常之有特式嘅方式以火山形狀去處理豬肋骨，亦都係以泰式方式去煮，酸酸甜甜，豬肋骨亦好腍好入味，要注意嘅係呢碟真係超級超級辣，難怪叫小火山，鍾意食辣嘅一定要叫! 另外配上椰香紫米飯，好香好甜，更加點綴個菜式，亦顯得餐廳著重每個細節位綠西米斑蘭蛋糕、柚子雪糕 ($98) & 法國72%情濃朱古力撻、什莓脆脆 ($108)甜品真係不得不讚一下做得非常出色，要先讚一讚擺盤，淨係打卡都值。而味道都做得好好，西米斑蘭蛋糕香而唔會太甜，朱古力撻亦食得出係用高級貨，伴碟亦都唔係隨便揀，食落成個感覺好完整好豐富。最後埋單時老闆先講原來甜品係專登請個師傅返嚟設計同整，難怪咁講究咁好食，以後都一定會再點!