彩興來來火鍋 (已結業)

搬離左將軍澳之前都無咩返過黎，今個週末有事返黎將軍澳！嘩，好多新既商場同食肆，完全唔同晒！每個商場都行下啦，去到帝景灣商場見到彩興來來火鍋，見有d肚餓同天氣凍凍地最岩打邊爐，就同男朋友決定入去試下啦！雖然呢個商場唔係地鐵站樓上，但餐廳d位都坐得7788！坐低叫左個湯底先啦，今次就揀左招牌家鄉鴨煲，侍應一黎到打開個蓋，個煲係非一般既煲，重點係可以當鑊用，估佢唔到，非常有特色！而個鴨煲並係煮完拎出黎，係即刻用鑊炒起！雞煲就食得多，鴨煲其實都係第一次食，仲要係用鑊炒，充滿驚喜！整體都好野味，鴨都大大舊，好味！食完個鴨煲之後就落湯打邊爐，個鑊即刻變身做鍋！美國肥牛好高質，口感好，好有牛味！珊瑚蚌份量好足，好新鮮，夠爽口，無腥味！仲叫左豆腐，芋線同冬瓜。食完份量剛剛好，食完個鴨煲已經飽飽地，每樣野都好足料，再叫就食唔晒了！另外飲品叫左玫瑰花蜂蜜，好清新，打邊爐飲就岩晒！整體來說，呢間火鍋店好特別，價錢亦唔係貴，老闆娘仲好nice，街坊們值得一試！