收工時間開始好多人過嚟飲杯酒～打桌球同埋掟飛鏢輕鬆吓
在附近嘅入境事務處辦理完文件就過咗嚟食飯～佢哋而家推出激安優惠晚餐$468，可以揀雞煲或者招牌烤魚+打邊爐
呢個價錢喺將軍澳南唔算貴，我哋今次揀咗佢嘅招牌烤魚（微辣）配鹿兒島黑毛豚肉片，魚肉超腍滑，仲配有大量芫荽蔥增加湯底嘅鮮味，另外仲有不少配料：木耳、洋蔥同埋芽菜
前菜有泰式燒雞中翼，配上泰式辣醬，煎到非常香脆嘅雞翼入口熱辣辣，雞肉都好Juicy，飲啖啤酒真係正👍
黃咖喱配豬肉入邊仲有切粒嘅茄子同埋洋蔥，加埋泰式香料好油，泰國風味
超鍾意食佢哋嘅原條烤茄子，好易夾起～同其他餐廳只係落孜然粉嘅唔同，佢哋充滿後有香味，落咗勁多蒜蓉同埋蔥，再用蠟燭保溫，唔會燒焦之餘又可以保持味道👅
值得一提，幫襯過三次，職員嘅態度一如以往咁好，超有禮貌！！
再飲埋Bar Pacific嘅lychee flavor craft 🍺 beer 同埋rose garden，完美的一餐！
