Griddy's Waffles & Cocktails (已結業)

今日又去咗位於將南嘅餐廳，griddy's waffles & cocktails位於海天晉匯，經過一個好靚嘅小花園就到，平時都唔為意原來呢度有咁多野食。餐廳嘅裝潢簡約有特色，最喜歡佢嗰個藍紅磚牆打咭坐位，加埋自然光影出黎好靚呀！而且佢樓底高，枱與枱之間好闊落，仲見到有人帶埋狗仔喺戶外度坐。我哋點左兩個set lunch：炸雞窩夫餐廳主打窩夫，當然要試吓！鹹味窩夫真係第一次試，有陣陣嘅香草味，非常鬆脆，仲有三款醬汁(他他、藍芝士、蜜糖芥末)選擇，帶來三種不同滋味。而炸雞外脆內嫩，跟窩夫味道好夾。黑松露蘑菇扁意粉食落非常creamy，意粉亦煮得岩岩好，再配埋黑松露真係好香好滑我仲叫咗佢哋嘅Mocktail - Tropical Fruit Punch，裏面有唔同嘅熱帶水果汁，又靚又好味，再配埋呢個咁舒服嘅環境真係好chill呀！