戀上台式料理 (已結業)

今日約咗朋友去將軍澳海旁附近食台式嘢，間餐廳有室內同室外，重點係仲要可以帶埋寵物一齊去食嘢添。戀戀蚵仔煎去親台灣都一定會食嘅蚵仔煎，非常多嘅蠔仔隻隻都非常飽滿，入口煙煙韌韌配埋啲醬汁真係非常惹味。台式滷水拼盤拼盤入邊有豬耳雞翼同埋滷水豆腐，份量都唔少滷水汁都幾入味。特色燒肉拼盤拼盤入面包括有鹽燒五花腩，西班牙黑毛豬，鹽燒特級牛小排同厚切牛舌，呢個燒肉拼盤真係非常抵食，二百幾蚊已經可以食晒牛同豬，我自己就最鍾意食牛小排，油脂分布平均，肉質鮮嫩多汁。椰奶仙草芋圓食完正餐當然仲要食埋個甜品先滿足啦，我哋叫咗呢個椰奶仙草芋圓真係冇令人失望，芋圓十分煙靭配埋椰奶同仙草，真係非常之夾。整體來講餐廳非常適合帶埋寵物一齊黎真係值得加分，而且環境闊落令人舒適另外價錢都相對適中。