A Tavola Bar & Grill (已結業)

上次機緣巧合之下經過澳南海岸，我發現呢個「世外桃源」。今日等我再發掘更多位於澳南海岸既餐廳。A Tavola Bar & Grill 主打意大利同墨西哥菜，所以餐單上會見到兩國嘅代表，墨西哥有Taco，意大利當然係意粉同薄餅。餐廳有室內同室外座位，我地坐係室內既高枱，枱唔算大，但都可以放兩至三碟食物。- beef Lasagna餐單上寫上Chef’s Recommendation。最上層既芝士焗至金黃色，碟邊既芝士超香脆，醬汁香濃但唔會過酸，麵條非常入味。A Tavola既Beef Lasagna係我係香港食過最好味既！- Prosciutto E Rucola 10”餐廳既薄餅可以選擇10”或12”，而且餅底有薄有厚。薄餅上面舖滿柏爾馬火腿、火箭菜、蕃茄同水牛芝士，餅底非常鬆脆唔會焗到太燶。芝士份量多，做到拉絲既效果。番茄醬鮮甜帶微酸，加上富鹹香既柏爾馬火腿，整體味道完全唔膩。- Tequila Sunrise🌄 顏色鮮艷奪目，以為佢味道甜甜，點知藥水味好重。飲品餐牌既酒精飲品款式幾多，下次Happy hour可以去A Tavola，不過我唔會再叫Tequila Sunrise🤣。