赤本山 (已結業)

今日約咗朋友去康城睇戲，順路去將軍澳食個午餐，咁啱醒起將軍澳開咗間新嘅Omakase，一於就去試試師傅嘅手勢。「山」set前菜三點分別係甜煮南瓜、金菇波菜漬同埋紫菜燒白飯魚。簡單又輕盈嘅配搭，非常適合作為開胃菜。刺身四品北海道鮫鰈魚-右口魚的一種，肉質嫩滑，可加少量紫蘇花一齊食香箱蟹-亦啫係雌松葉蟹，鉗肉可以點醬食，其餘蟹膏、蟹籽、蟹肉混合就可以直接食，甘香鮮美鱈魚白子-微微燒炙過的白子，配上七味粉及底下的柚子醬，既引出白子嘅鮮味，亦帶出佢醇厚嘅口感醃三文魚子-魚子上面加了柚子皮，鮮甜再加上少少柚子嘅清香壽司八貫昆布漬真鯛-預先以昆布上下夾住魚肉黎醃，肉質特別軟腍醬油漬金目鯛-深海池魚-肉質厚實，比較有咬口銀鱈魚-刺身形式比較少見，口感近似三文魚，但油脂味更重元貝-以柚子皮帶出鮮味，鮮甜爽口中拖羅-肉質豐厚美味，肥瘦適中小肌-壽司之神嘅最愛，特別調味嘅小肌確實令人滿足馬糞海膽御料理鹽燒馬友-特別選用台灣養殖馬友，油份充足。燒過嘅魚皮香脆可口，魚肉肉質嫩滑。最後仲可以食粒楊莓解解膩。完美。吸物味增湯甜點開心果雪糕🍦開心果味濃，味道特別