影片
更多
2022-12-19
21 瀏覽
將軍澳近年愈嚟愈多好西, 最近更新開左一間omakase, 車車當然要率先去試下! 餐廳唔算難搵, 而且都幾近地鐵站, 出左站約步行5分鐘就到! 餐廳以黑色木系做主調, 一入到去就有張長長嘅吧枱, 另有獨立包廂同Vip房, 當日店員就安排左車車坐吧枱, 可以一睹師傅烹調食物!赤本山有3個Omakase Set, 車車同朋友都點左＜本＞試下!＜先付＞前菜一上枱真係嘩左聲, 十分fancy, 打卡一流! 上面放住金平牛蒡漬, 醬油金菇菠菜, 十勝薯仔同炸沢蟹, 牛蒡漬十分開胃, 菠菜醬油金菇上面加左七味粉辣辣地層次感豐富, 甜美嘅十勝薯仔簡單地配搭醃過嘅肉碎食落幾惹味, 至於最可愛嘅炸沢蟹仔可以連殼食, 香脆可口! ＜刺身＞🌟粒貝薄片比較爽口, 檸檬汁去除腥味之餘令味道更清新, 最後加左少許竹炭鹽帶出粒貝鮮味🌟香霜蟹香霜蟹即第一次產卵的雌性松葉蟹, 將蟹黃, 蟹籽同蟹肉混合一齊食, 鮮味無窮!🌟鱈魚白子白子用火槍微微燒一燒, 比較香口, 再加酸汁啫喱同七味粉調味, 咬落去脆卜卜, 入面似奶油般嘅口感, 細滑豐腴🌟黑松露忌廉蟹肉餅岩岩新鮮炸起, 超級燙嘴, 同平時食開嘅忌廉餅唔同, 採用3.
赤本山有3個Omakase Set, 車車同朋友都點左＜本＞試下!
＜先付＞
前菜一上枱真係嘩左聲, 十分fancy, 打卡一流! 上面放住金平牛蒡漬, 醬油金菇菠菜, 十勝薯仔同炸沢蟹, 牛蒡漬十分開胃, 菠菜醬油金菇上面加左七味粉辣辣地層次感豐富, 甜美嘅十勝薯仔簡單地配搭醃過嘅肉碎食落幾惹味, 至於最可愛嘅炸沢蟹仔可以連殼食, 香脆可口!
＜刺身＞
🌟粒貝
薄片比較爽口, 檸檬汁去除腥味之餘令味道更清新, 最後加左少許竹炭鹽帶出粒貝鮮味
🌟香霜蟹
香霜蟹即第一次產卵的雌性松葉蟹, 將蟹黃, 蟹籽同蟹肉混合一齊食, 鮮味無窮!
🌟鱈魚白子
白子用火槍微微燒一燒, 比較香口, 再加酸汁啫喱同七味粉調味, 咬落去脆卜卜, 入面似奶油般嘅口感, 細滑豐腴
🌟黑松露忌廉蟹肉餅
岩岩新鮮炸起, 超級燙嘴, 同平時食開嘅忌廉餅唔同, 採用3.6牛乳代替傳統忌廉食落比較creamy滑身亦無咁膩
＜壽司＞
E到嘅壽司薑用左沙律薑食落爽d同無咁辣, 清一清口腔之後就開始食壽司!
🌟真鯛昆布漬壽司
將真鯛夾係昆布放入雪櫃雪一日, 令肉質比較易咬, 加少少醬油帶出真鯛鮮味
🌟活赤貝壽司
上碟前師傅拍一拍令活赤貝嘅肉更爽口, 食落相當鮮甜!
🌟鰝鰺
食落比較爽口, 油脂均匀, 味道適中岩岩好
🌟金目錭壽司
金目鯛油份比較多, 師傅用自家製醬油漬帶出金目鯛鮮甜味道
🌟鰤魚
成年嘅野生油甘魚（超過7-8kg）, 食落肉質較結實, 味道亦比較濃郁
🌟大拖羅壽司
食落油脂極重, 入口即溶, 非常鮮甜
🌟赤海膽壽司
外層用脆口嘅海苔包住, 入面包住好多海膽, 啖啖鮮味, 超滿足
🌟呑拿魚卷
卷物入面包住滿滿嘅呑拿蓉, 相當滋味
🌟蝦麵豉湯
用左蝦殼煲成嘅麵豉湯, 蝦味濃郁, 入面加左一粒年糕, 邊飲湯邊食年糕, 味道岩岩好!
🌟熊本縣赤肉蜜瓜
味道清甜多汁, 為晚餐劃上完美句號
張貼
