影片
更多
2022-11-26
111 瀏覽
📍將軍澳新都城 七月烤魚🐟 一路都好想去將軍澳探索美食 嗰日趁着第二日係假期就即刻去咗新都城逛逛🚶♀️🚶♀️咁啱見到一間食烤魚嘅餐廳 門口裝修好有特色 而且仲要係川菜嘅口味😍😍😍就即刻衝左入去！今次同大家介紹一下依間烤魚專門店啦😋🫶🏼🐟絕品烤魚 今次烤魚揀咗江團魚 都係聽餐廳推介~ 另外魚嘅口味就揀咗藤朝青椒口味同埋酸菜泡椒口味🌶️辣到最後揀咗最少辣(*ˉ︶ˉ*) 講吓湯底嘅味道先啦 個人認為藤朝青椒口味比起另外一個口味辣 所以餸飯麵一流！另外酸菜泡椒口味 都好鬼死正 因為有少少蕃茄嘅味道 所以酸酸辣辣好開胃💕😋！另外烤魚方面 肉質好嫩！而且完全唔怕多骨 因為呢一種魚主要係得中間嗰條大骨吧~🐟平時因為怕骨又想食烤魚嘅朋友仔 我覺得呢一間嘅烤魚大家可以一試！(*ˉ︶ˉ*)🦆烤魚配料: [🦆鴨血片] 大家可以喺個煲入邊淥耐啲先食呢一個鴨血 因為佢完全唔似平時出邊嘅鴨血錄得內阻會好難食 反而完全吸收晒湯底嘅精華😍😍 [🐟魚豆腐] 魚豆腐好正！好彈牙🦷打邊爐配料必選✅[🫘百葉結] 喺香港真係好少地方可以食到百葉結 口感有啲似厚身嘅腐皮😋同鴨血一樣淥耐啲吸晒啲湯嘅精華 好正 [🥔紅薯粉] 我真係薯
一路都好想去將軍澳探索美食 嗰日趁着第二日係假期就即刻去咗新都城逛逛🚶♀️🚶♀️咁啱見到一間食烤魚嘅餐廳 門口裝修好有特色 而且仲要係川菜嘅口味😍😍😍就即刻衝左入去！今次同大家介紹一下依間烤魚專門店啦😋🫶🏼
🐟絕品烤魚
今次烤魚揀咗江團魚 都係聽餐廳推介~ 另外魚嘅口味就揀咗藤朝青椒口味同埋酸菜泡椒口味🌶️辣到最後揀咗最少辣(*ˉ︶ˉ*)
講吓湯底嘅味道先啦 個人認為藤朝青椒口味比起另外一個口味辣 所以餸飯麵一流！另外酸菜泡椒口味 都好鬼死正 因為有少少蕃茄嘅味道 所以酸酸辣辣好開胃💕😋！
另外烤魚方面 肉質好嫩！而且完全唔怕多骨 因為呢一種魚主要係得中間嗰條大骨吧~🐟平時因為怕骨又想食烤魚嘅朋友仔 我覺得呢一間嘅烤魚大家可以一試！(*ˉ︶ˉ*)
🦆烤魚配料:
[🦆鴨血片] 大家可以喺個煲入邊淥耐啲先食呢一個鴨血 因為佢完全唔似平時出邊嘅鴨血錄得內阻會好難食 反而完全吸收晒湯底嘅精華😍😍
[🐟魚豆腐] 魚豆腐好正！好彈牙🦷打邊爐配料必選✅
[🫘百葉結] 喺香港真係好少地方可以食到百葉結 口感有啲似厚身嘅腐皮😋同鴨血一樣淥耐啲吸晒啲湯嘅精華 好正
[🥔紅薯粉] 我真係薯粉怪黎😭😭餐廳好貼心應該係預先煮定左再比客人放落去 就唔使嘥晒啲時間等佢熟 同樣地好煙韌好正！
🍢串燒
[🦐串燒海蝦] 首先講吓佢嘅串燒先啦 餐廳好sweet咁有準備到一個爐去幫啲串燒keep warm🫶🏼食落去就唔會凍冰冰！海蝦好有鮮味 而且口感彈牙🦷
[🫘烤豆皮] 烤豆皮真係第一次食！脆卜卜咁好得意
[🐮烤牛肉串] 烤牛肉串好有牛嘅香味🐮好鬼死惹味！🌶️
[🐏烤羊肉串] 我覺得呢間餐廳嘅羊肉都係必試 樣就一定會有少少蘇味架啦 但係我覺得呢間配合埋佢嘅香味食落去反而啱啱好(●°u°●) 」就算我唔太鍾意食羊都覺得接受到之餘仲幾好食！
[🐚蒜蓉烤扇貝] 好耐冇食過海鮮啦😭😭扇貝size ok！而且調味都好足料 又有蒜蓉又有辣椒又有蔥(⁎⁍̴̛ᴗ⁍̴̛⁎)
[🐏烤羊架] 因為食完個烤羊肉串唔夠喉 所以就叫咗個烤羊架~ 好正同好惹味！
[🍆烤茄子] 好鍾意食烤茄子😭😭🫶🏼烤到好林身 調味好入味！( ´▽` )ﾉ
🍝麵食:
[蔥油拌麵] 蔥油拌麵好啱餸酸菜魚🐟呢個面色澤上面比較淡 但係味道都好足！好啱同朋友share！
🧆小食:
❄️[涼拌三小拼] 食物嘅最後一部份啦！我哋叫咗個涼拌三小拼！由左邊講起啦~ 最左手邊係一個彈牙嘅魚皮 好爽 好好食😭😭🫶🏼中間係豬手 有浸柚子味，酸酸甜甜好開胃！ 最右手邊就係秋葵 好啱解膩
🍬甜品:
🍡[四川冰粉] 想食冰粉好耐😭😭🫶🏼食完咁多香口嘅嘢食 一食一啖冰粉即刻解熱氣😂😂😂！
🍺飲品:
🍸[藍天乳酸梳打]呢杯梳打好得意 有啲椰果肉喺底 口感一流！另外都幾啱用黎解辣！
🍹[芒果乳酸茉莉綠茶]另外呢杯係乳酸綠茶！茉莉同埋綠茶味都好濃！另外加埋芒果 成件事嘅層次感好豐富！
店員態度良好同埋有禮貌！✅亦都會幫手執枱( ´▽` )ﾉ整體體驗不錯！推薦~
📍將軍澳 七月烤魚🐟
地址: 將軍澳貿業路8號新都城中心2期1樓1086-90A號舖
張貼
