GR8 (已結業)

叫得做All Day Breakfast當然任何時候都食得！朋友話將軍澳愈來愈多嘢食，今次就同我去食Cafe！店子的落地玻璃可以見到街坊散步，有一份莫名的親切感。◽ All Day Breakfast (Beef)分量十足的All Day Breakfast，包括：牛扒、炒蛋、沙律、煎番茄、煙肉、牛角包及蟹肉薯餅，顏色繽紛令人食慾大開！牛扒軟嫩肉味濃、薯餅外脆內creamy、牛角包脆脆且重牛油味、炒蛋又滑溜、番茄及沙律菜都好fresh，一份食哂超滿足！◽ Korauyaki Crab Miso And Crab Willow Pasta 上網人氣之選，大大個蟹蓋好吸睛，蟹味噌上有蛋黃及蔥花，味道香濃。意粉彈牙又掛汁，每條都沾滿醬汁，將蟹味噌撈勻同吃，增添一份鹹香令層次更豐富，食畢也不會太膩。◽ 南瓜湯熱湯的顏色已經睇出真才實料，嘗一口果然如預期般中香口，質地細滑又美味。▪️ Homemade Lemonade Soda望落已經好涼浸浸，微酸的口味好refreshing！