MOO Beef Cafe (已結業)

唔講唔知一排冇去到將軍澳中心，原來開咗咁多餐廳， 今次區內朋友介紹之下嚟到呢間試吓佢哋流心牛角包。牛角包非常鬆脆都好重牛油嘅味道。 重要嘅係佢哋真係流心㗎。估唔到佢哋其他嘅嘢食都幾好食。 叫咗個雞胸黃姜飯，成個飯黃色嘅食落味道好特別，真係有少少薑味，有啲似印尼嘅黃姜飯。雞胸都唔會煮得太過乾。另外叫咗個煙三文魚番茄長通粉，蕃茄味都幾重，煙三文魚大概有三塊都幾抵食。亦都叫咗個牛尾湯，呢度嘅湯都唔貴$52，牛肉味好重牛尾燉得啱時間，牛尾肉已經林左咬落去好容易。肉嘅精華都落晒去湯到佢哋冇慳料真材實料。