喺香港都食到台灣風味 仲要係寶琳都有得食
.
而打淥嘅外賣形式 有少少台灣夜市嘅感覺
食物種類多 除咗有粉麵 仲有小食同甜品
門口凍櫃仲有一堆台式嘅紙包飲品！
.
《腩肉刈包》
醬汁係古早嘅醬汁
刈包軟熟 腩肉好入味 肥瘦適中
.
《滷汁麻辣鴨血拌粉》
滷汁很濃郁 鴨血同拌粉都充分吸收滷汁的味道
鴨血柔軟 拌粉就好滑嫩 帶有一點彈性
可以揀辣度 因為唔太食得辣所以叫咗少辣
個味道控制得好好 有種麻而不辣嘅感覺
掛湯感覺都夾～
.
《蘿蔔金錢肚拌麵》
蘿蔔好甜 又好入味
金錢肚份量都好多 又腍又有嚼勁
個麵底同拌粉唔同 但係都係一樣咁惹味
.
《黑糖薑母仙草》
食完啲辣嘢 最好就硬係食返碗涼涼地嘅甜品中和下
有黑糖既濃郁甜味 又有薑既微辣香氣仙草Q彈嫩滑 滿足地完結
