正東胡同烤豬 (已結業)

今晚到將軍澳探望朋友, 為方便到附近商場搵飯食. 來到新都城2期, 經過一間叫'正東胡同烤豬'...招牌有啲趣怪, 吸引我多望兩眼, 門面光亮, 裝修簡潔, 門口位置由一塊大玻璃望入去, 廚師正在內烤豬...心想:出品定必新鮮, 決定一試!一行人4大3小, 侍應特別安排一張靠邊的枱, 指我地小朋友多 (只有5,6歲), 怕人多有碰撞, 真細心~由於極為肚餓, 點左9樣食物...確實樣樣想試, 又要啱小朋友食.上菜時間迅速, 菜色分別係:招牌胡同烤豬...果然新鮮烤好, 皮脆肉滑, 小朋友自行包裹配料, 除左一般嘅青瓜, 以為旁邊係紅蘿蔔, 望真啲...原來係哈密瓜, 小朋友大喜, 配搭清新, 多左一份清甜~人仔細細, 食左兩件!京烤填鴨...雖然同烤豬同為肥膩一類, 仲諗住叫多左, 一咬落去, 竟然無肥膏膩口, 皮香肉多汁, 小朋友再包左兩件, 好捧場!沙律...菜夠新鮮, 配上麻醬好香話梅骨...酸甜適中, 唔韌小籠包...皮薄多汁肉鮮, 小朋友自己挾到碗中都唔穿, 小食家食完之後仲自行評分"好食!"火腿津白...夠入味夠稔, 唔會太喊嫩雞煨麵...份量多, 夠3個小朋友分乾煸四季豆