影片
更多
2018-02-10
1108 瀏覽
餐廳佈置簡約又有格調。雲石枱嘅「三面台」就係「作畫」嘅表演台，配上黑色高櫈、水藍色牆身同白色天花。就座後見到「畫師」已經幫客人「作畫」，仲同客人有講有笑，氣氛輕鬆。一坐低，餐廳就搵我哋做實驗，要我哋飲兩支化學試劑？！其實係welcome drink嚟嘅，入面係士多啤梨果汁，鮮果味濃，甜度適中。我哋上嚟係食【席前甜品$348 for two】。係由店員出任「畫師」，用甜品喺矽膠片上面畫畫，畫完之後客人可以要求喺畫嘅角落畫自己鍾意嘅圖，例如動畫人物，或者提供圖片俾店員依樣畫葫蘆，然後寫上祝福語等字句。個set包兩杯飲品。【Iced Banana Chocolate(加$25升級)】係熱朱古力再加香蕉甜酒。朱古力味濃郁，不過香蕉酒味偏淡，如果加幾片香蕉果肉點綴一下會特別啲。【Signature Fruit Tea(加$35升級)】蒸壺入面係有士多啤梨果肉同乾花嘅普洱茶，下面再用火㷫住，啱晒呢個嚴寒天氣。味道係酸酸哋嘅士多啤梨，可以按自己口味加蜜糖調味。「畫紙」有三種顏色選擇 - 黑、白、灰。店員先用朱古力、芋頭、芒果三種糖漿畫出圖案。再灑上三種唔同顏色味道嘅糖粉，我最鍾意青綠色嘅蜜瓜糖粉。然
就座後見到「畫師」已經幫客人「作畫」，仲同客人有講有笑，氣氛輕鬆。
一坐低，餐廳就搵我哋做實驗，要我哋飲兩支化學試劑？！
其實係welcome drink嚟嘅，入面係士多啤梨果汁，鮮果味濃，甜度適中。
我哋上嚟係食【席前甜品$348 for two】。係由店員出任「畫師」，用甜品喺矽膠片上面畫畫，畫完之後客人可以要求喺畫嘅角落畫自己鍾意嘅圖，例如動畫人物，或者提供圖片俾店員依樣畫葫蘆，然後寫上祝福語等字句。
個set包兩杯飲品。
【Iced Banana Chocolate(加$25升級)】係熱朱古力再加香蕉甜酒。朱古力味濃郁，不過香蕉酒味偏淡，如果加幾片香蕉果肉點綴一下會特別啲。
【Signature Fruit Tea(加$35升級)】蒸壺入面係有士多啤梨果肉同乾花嘅普洱茶，下面再用火㷫住，啱晒呢個嚴寒天氣。味道係酸酸哋嘅士多啤梨，可以按自己口味加蜜糖調味。
「畫紙」有三種顏色選擇 - 黑、白、灰。
店員先用朱古力、芋頭、芒果三種糖漿畫出圖案。
再灑上三種唔同顏色味道嘅糖粉，我最鍾意青綠色嘅蜜瓜糖粉。
然後放上脆米、柑桔啫喱、朱古力布甸、綠茶大福、蔗糖味忌廉、芝士wasabi奶凍、紅豆奶凍、朱古力脆片同紅莓。
放好甜品後，店員開始用糖漿調色，準備畫自選畫。
我哋俾咗幅臘腸狗仔嘅卡通圖案店員參考。
畫完輪廓後調出唔程度嘅啡色填色。
完成～
最後寫上自選字句：My Love, Mario (係我愛犬嘅名)
畫完畫仲有「表演 」- 用液態氮整雪糕雪葩。先倒入液態氮去不銹鋼大碗，液態氮溫度係攝氏零下196度，千祈唔好擺隻手去感受，會嚴重凍傷。液態氮接觸到常溫瞬間揮發成霧氣，都好壯觀吓。
然後再倒入液態雪糕，今次嘅雪糕係竹炭朱古力味。液態雪糕喺低溫下迅速凝固。
最後就將固體雪糕放喺幅甜品畫上面。
再用同樣方法做好紅莓紅酒雪葩。
最後放上龍鬚糖。
大功告成！相機食先。
固體嘅雪糕雪葩入口容易，放入口慢慢溶。我自己鍾意食朱古力味，不過紅莓紅酒雪葩亦相當不錯，酸酸甜甜嘅冰涼感覺，好特別。
介紹吓幾款甜品，我最鍾意柑桔啫喱，甜中帶少少酸，又清新。
白色半球體嗰粒係芝士wasabi果凍，濃濃芝士味帶啲wasabi味，完全唔辣但味道又幾夾。
綠色嘅綠茶大福，口感煙韌，不過綠茶味就淡咗少少。
兩種朱古力味道口感不同 - 朱古力布甸口感軟綿，味甜而濃；朱古力脆片就相當鬆脆，味道甜中帶微苦。
用甜品畫畫真係第一次見，又好睇又好食，仲可以瘋狂影相開心share。非常適合情侶約會或兩三個best friends慶祝節日或開心事，諗諗吓用嚟表白都啱喎，要介紹多啲毒L巴打嚟脫毒先得。
張貼
