令酒場 (已結業)

晚餐繼續煮飯、食外賣今次強烈推介！！味道又香又夠味肉都煮得好透、好鬆軟晌屋企都食到居酒屋嘅美味😋將真空袋嘅食物加熱即食 超方便！每包都有2人份量~ 外賣自取仲8️⃣折！🔸咖喱豬軟骨（$88）❇️推介辛辣惹味！個汁好香，質地濃稠，非常香又夠辣！豬軟骨煮得好軟，筋位入口即化，膠原滿滿。還有好入味嘅紅蘿蔔及薯仔，送飯一流。剩低嘅咖哩汁我用嚟煮咖哩湯米粉，好味！🔸汁煮油甘魚鮫（$98）❇️推介好日式的味道，醬汁甜甜的、好香醬油味，很下飯。魚鮫新鮮無腥味，肉質紮實，唔會因為泡晌醬汁中而散哂。白蘿蔔同冬菇都煮得香甜入味。🔸紅酒會牛尾（$88）❇️推介超大件又豐富！牛尾炆到好軟好嫩，入口帶骨頭嘅香味。醬汁濃郁，咸中帶甜，有紅酒香。好味！🔸清湯蘿蔔牛腩（$88）牛腩是角切，食落比較有，而且肥瘦分明，煮得非常鬆軟、入味。湯汁好清甜，有好濃嘅牛肉香，可以當湯飲！白蘿蔔爽甜。🔸老闆娘雞翼尖、雞翼（$58）除咗蒜味、辣味，仲有好香嘅清酒味！翼尖煮到好透，在口中含一下已經皮肉分離，好正嘅小食！雞翼都大隻多肉。