和藏 (已結業)

廚師發辦午市套餐 Omakase Lunch六道菜餐單 6-Course Menu餐廳環境裝修精緻，除咗有bar枱外，仲有四人枱同埋一間獨立房。佢午市套餐除咗有廚師發板嘅菜式，可以自選一項主食，主食嘅款式選擇都幾多，由燒物到刺身丼都有。和風野菜薯仔沙律拖羅•蜜柑鯛•甜蝦刺身新鮮鮮甜，拖羅油脂平均，肉質細綿可口。松葉蟹肉•帆立貝•茶碗蒸幼滑嘅蒸蛋充滿着日式高湯嘅味道，茶碗蒸仲配上松露，松葉蟹肉帆立貝等等海鮮，味道豐富可口。野菜豚汁麵豉湯都好有心機，入邊有好多材料，例如蘿蔔，洋蔥，豚肉，仲有蒟蒻等等，飲落去比出邊嘅麵豉湯冇咁鹹，仲多咗份蔬菜嘅鮮甜味。精選燒物拼盤 • 白飯(牛舌芯 •地雞肉棒 •明太子雞翼• 豚肉•椎茸• 青椒仔• 粟米）燒物冇放太多嘅調味料，主要嘅調味都係簡單嘅鹽同黑胡椒，反而咁帶到食材嘅原味道，同埋燒物香口嘅味道。北海道西京銀鱈魚 •白飯銀鱈魚個人十分推介有驚喜，魚肉質好嫩滑，日式燒汁嘅配搭恰到好處，同魚鮮味剛好平衡，散發微甜焦香味。抹茶雪糕配紅豆Suntory Premium Malt Draught Beer (1/2 pint)餐廳職員專業友善貼心，值得一讚 ！