唐記包點 (港鐵寶琳站)

營業中

休息中

為咗慳錢，呢幾年來一直喺唐記既常客，唔單止價錢平，食物真係有質素，仲好過食其他快餐。　呢日夜晚想簡簡單單食餐飯，就嚟左寶琳店。原來依家有香滑奶茶，$12細細樽唔算平，不過一於試吓。一見到呢個套餐，諗都無諗就買咗，呢個份量足夠兩個人分享。次次幫襯唐記都係食包，第一次買蒸飯，本來以為個肉餅會好油同好鹹，但又唔係喎，調味好似家常菜咁，完全唔覺有味精，個肉餅都好好，啖啖肉，如果肉搞得冇咁碎，多啲肉嘅口感會更加好。燒賣肉質都好彈牙，依家好大粒，係屋企煮啲菜加幾粒燒賣，咁又一餐。第二朝整返熱個包嚟食，終於等到我最期待嘅黑麻蓉包啦，一直都好想試，果然有驚喜！黑芝麻加入椰絲，口感豐富仲好香口，而且甜度適中，非常好食！再整多個番薯包，呢款係經典，每次食都咁滿足，軟綿綿嘅番薯蓉好香口，一朝早有咁嘅早餐感覺好幸福。