INN - I’m Not Nothing (已結業)

同朋友行開九展，又到覓食時間，梗係搵下有無好野食啦。樓下見到有間裝修好精緻噶鋪頭入去嘗新。成個餐廳裝修優雅，好有歐洲Feel，燈光柔和配合埋環境，都好適合情侶過黎撐抬腳。因為朋友同我都唔係好餓，所以就只點左一份主食“鹽燒虎蝦栗子紫薯意大利飯”，意大利飯通常都會有啲膩，但係呢個竟然都幾新奇下，栗子同紫薯的搭配好match，另外虎蝦都好大隻。跟住叫咗份小食“辣茄醬烤雞脾”，平時茄醬就食多，但係呢種墨西哥辣茄醬就真係第一次試，雖然講係辣，但係朋友平時唔食辣都可以接受到，茄醬味道都好適中，雞脾焗得比較乾身，味道還可以。甜品係香蕉、士多啤梨班戟，即叫即整，上黎勁大份，嚇親左。甜品造型都好靚，連士多啤梨都切成心心，味道唔會太甜，餅底好煙韌，強烈推薦。另外值得一提噶係餐廳係pet friendly，對於有狗狗的朋友，呢度真係天堂咁樣。狗狗自由玩，仲有專屬Menu同埋打卡靚位添。