紅茶冰室 (已結業)

每逢行經駿業街，穿過中海日升中心時，都會發現原來有好多食肆，其中紅茶冰室較為搶眼。平日的晚上，七點幾八點時段就行經過，於是落腳食晚餐。餐廳環境好大，好多座位，餐牌全部顯示在枱面，淋淋種種，各人就叫左自己喜歡的食物。💫亁炒牛河上菜速度好快，份量算多，河粉唔夠軟滑，偏硬，唔夠入味，炒得唔夠鑊氣，牛肉還可以，唔韌。💫燒鵝飯有啲驚喜，首先係燒鵝肉味道唔錯，份量都多，試過點酸梅醬都唔錯。💫叉燒油雞飯同樣份量有驚喜之餘，叉燒唔硬，油雞入味，配埋薑蔥係超級送飯的。整體發現原來燒味都唔錯；食嘅過程，發現越來越多人，原來夜晚餐都有好多人。電子貨幣盛行下，大大間冰室只收現金還是有點意外。