天下壽司 (已結業)

師傅成日心思思想黎呢度好耐, 完全因為呢度一致好評, 所以點都要黎試下, 終於早一排黎左, 感覺真係好正!入到去地方相當之大, 樓底好高, 感覺相當舒服, 加上環境寧靜, 可以靜靜地傾下計, 又可以慢慢嘆d野食, 無拘無束, 十分寫意!坐底立即睇下有咩好食先, 最後決定叫灸帶子鵝肝壽司, 北寄貝沙律, 麻醬生牛肉, 北寄貝壽司, 鰻魚壽司, 灸三文魚壽司, 赤貝壽司, 雞腎串, 珍味螺肉同埋吉列炸蝦!要數印象最深刻就首選灸帶子鵝肝壽司, 灸帶子鵝肝壽司隻帶子好大隻, 鵝肝好靚好香, 一啖放晒入口淨係食到鵝肝味道, 反而唔覺有帶子, 咁似鵝肝壽司多d, 不過鵝肝真係入口即溶, 好味; 於是乎再食另一件, 今次將件鵝肝夾開, 先食帶子, 發覺帶子好甜好新鮮, 不過如果兩樣一齊食就會比鵝肝味蓋過, 唔覺有帶子度; 其次就有珍味螺肉同埋吉列炸蝦, 珍味螺肉好大碟, 螺肉好爽口加上辣辣地好惹味, 食到停唔到口, 好正; 而吉列炸蝦蝦好新鮮, 加上炸粉份量洽到好處, 油而不膩, 點少少醬汁非常好味! 而其他食物一d都唔差! 總括黎講呢度不論食物, 地方, 環境都真係好正, 價錢唔貴, 想靜靜地食