影片
更多
2009-05-06
41 瀏覽
嗰晚八點幾，原本諗住同細妹食意粉屋，但係要等位，於是試下3樓呢間新餐廳。入到去的第一個感覺係好混亂，企响門口無人招呼你，要等一陣先有位坐，揮手叫侍應落單，但佢地好似睇你唔到咁，落單時，個侍應完全冇用紙筆記低，我心諗:你係咪咁好記性呀?我點左個鮮蝦帶子茄汁意粉同鐵板牛柳餐，餐湯無得揀，只有紅湯。兩樣野加埋大概$160左右啦。咁個侍應聽完我落單就轉身走，我即刻叫住佢: 你都未問我個鐵板牛柳要幾成熟。我要七成呀。佢先記得問我。唉，見個侍應咁樣我就暗感不妙。紅湯首先上，講真，飲兩啖就唔想飲。跟住到鮮蝦帶子茄汁意粉，但茄汁變左白汁、帶子變左青口，竟然可以錯成咁?!算啦，費時叫佢換，決定照食，嘩......青口D沙多到即刻吐番出來，蝦好唔新鮮，意粉係無味的。成碟野我食左一啖就食唔落。鐵板牛柳呢個時候到，係燶的，絕對無可能係七成熟，我頂唔順啦，叫侍應換過個鐵板牛柳，佢好麻木，好似呢D情况發生過好多次咁，點知佢換完俾我嗰份都係燶的!激氣，實在忍無可忍啦，咁差勁的服務+食物質素都有嘅?!結果我同個侍應講:你地同我落單落到錯哂,個意粉難食到入唔到口,個牛柳黎左兩次都係燶嘅,依家我全部野都唔要啦,你同我取消
嗰晚八點幾，原本諗住同細妹食意粉屋，但係要等位，於是試下3樓呢間新餐廳。
入到去的第一個感覺係好混亂，
企响門口無人招呼你，要等一陣先有位坐，
揮手叫侍應落單，但佢地好似睇你唔到咁，
落單時，個侍應完全冇用紙筆記低，
我心諗:你係咪咁好記性呀?
我點左個鮮蝦帶子茄汁意粉同鐵板牛柳餐，
餐湯無得揀，只有紅湯。
兩樣野加埋大概$160左右啦。
咁個侍應聽完我落單就轉身走，
我即刻叫住佢: 你都未問我個鐵板牛柳要幾成熟。我要七成呀。
佢先記得問我。
唉，見個侍應咁樣我就暗感不妙。
紅湯首先上，
講真，飲兩啖就唔想飲。
跟住到鮮蝦帶子茄汁意粉，
但茄汁變左白汁、帶子變左青口，
竟然可以錯成咁?!
算啦，費時叫佢換，決定照食，
嘩......青口D沙多到即刻吐番出來，蝦好唔新鮮，意粉係無味的。
成碟野我食左一啖就食唔落。
鐵板牛柳呢個時候到，
係燶的，絕對無可能係七成熟，
我頂唔順啦，叫侍應換過個鐵板牛柳，
佢好麻木，好似呢D情况發生過好多次咁，
點知佢換完俾我嗰份都係燶的!
激氣，
實在忍無可忍啦，
咁差勁的服務+食物質素都有嘅?!
結果我同個侍應講:
你地同我落單落到錯哂,
個意粉難食到入唔到口,
個牛柳黎左兩次都係燶嘅,
依家我全部野都唔要啦,
你同我取消晒D order啦。
我真係好火，態度好堅決,
結果有個疑似老闆的男人走來同我講唔好意思，話唔計我錢。
咁我同細妹就走左啦。
張貼