花月宮

營業中

休息中

呢間酒樓唔係第一次去，上次食火鍋好滿意，食材非常新鮮。另外鐘意佢唔同一般酒樓嘈吵，餐廳富空間感，就算座無虛席亦不會出現擠迫感，裝橫和佈置都富東方風格設計，感覺有現代感又不失傳統。今次約了幾個朋友去飲茶，佢哋都覺得呢間酒樓環境好舒服，傾計談心好地方。我哋唔算好肚餓，叫咗幾款點心。飲茶一定唔少得蝦餃燒賣。佢嘅蝦餃皇有別於一般酒樓，好大隻蝦，皮都算薄，啲蝦新鮮爽口，而燒賣啲肉亦都夠彈牙。另外鳳爪好入味，$26 好多隻抵食。呢到d炸物有水準，特別是沙律明蝦角，即叫即炸，香脆可口，推介推介！其他點心味道都唔錯，想約朋友慢慢坐，悠閑食下嘢傾計，呢度絕對值得考慮。