鋪面唔細，光猛濶落，牆上有裝飾，有向街大窗發夢位。估唔到閒日下午都有三、四枱客人，一睇就知係街坊，嗰種鬆弛感巳經當咗呢度係自巳屋企。
睇menu，平到有少少驚，早餐最平27蚊，下午茶$48！食唔食得㗎!? 點咗個Americano + 蜂蜜芥末蛋牛角包，個啡好掂喎！以我曾經住過中上環嘅標準嚟講，不輸名牌店，隻豆有炭烤過，幾nutty，似sumiyaki 多啲，最鐘意杯啡跟塊曲奇，我認為係標配，但好多店慳得就慳。牛角包正常，以茶餐份量可算係幾飽吓，$48真心抵。
老闆話等緊出酒牌，攪掂就會早啡晚酒，配吓居酒屋小食，咁我呢啲酒鬼梗係無恥地R咗個free corkcage牌先啦，太遲去嘅應該就無㗎嗱。
1
1
3
