正村壽司 (已結業)

Item: 正村壽司
Rating: 3
Author: fn_wkhab

Masamura

3.5

44 食評

味道

環境

服務

衛生

抵食

118

灣仔

$50以下

日本菜壽司/刺身

fn_wkhab

等級3

今日再次同老婆衝出香港東區，去左灣仔食正村壽司。正村壽司乃係尖沙咀壽司正0既姐妹店，其中一個特點係佢地有兩隻唔同醬油(吟釀及昆布醬油)。兩者主要分別係兩種醬油比較適合配以紅魚肉或者係白魚肉及貝殼類食用。由於普遍市場提供0既醬油都係較咸身0既，鍾意食冇咁咸0既鼓油0既朋友可以有多一個選擇。另外，呢度0既下午餐有個優惠，就係有部份0既壽司喺下午餐時段會由一碟兩件增加到3件，所以雖然我地點左7款壽司，但係共有21件之多，所以都算係幾抵食。而我個人都幾鍾意去黎度，因為呢個商場喺假日0既人流唔算多，呢個時間黎食野0既人相對唔係咁多，冇咁嘈就可以兩個人(又或者一支公都OK) ENJOY 下一餐寧靜0既午餐。我地第1 ROUND 叫左火炙三文魚、火炙帶子、吞拿魚、鱆紅魚同油甘魚。呢幾隻裡面個人認為油甘魚同吞拿魚(佢地話仙台直送，不過我就食唔出特別新鮮)都仲比較好，而鱆紅魚亦都算係中規中舉。但係好比較奇怪0既係兩款火炙壽司竟然唔熱 ... 我冇質疑佢係咪落ORDER先整，不過冇理由一D暖0既感覺都冇? 不過火炙壽司0既話唔暖0既話就真係只係麻麻囉。第2 ROUND就點左龍蝦沙律同海膽魷魚，感覺個龍蝦沙

今日再次同老婆衝出香港東區，去左灣仔食正村壽司。正村壽司乃係尖沙咀壽司正0既姐妹店，其中一個特點係佢地有兩隻唔同醬油(吟釀及昆布醬油)。兩者主要分別係兩種醬油比較適合配以紅魚肉或者係白魚肉及貝殼類食用。由於普遍市場提供0既醬油都係較咸身0既，鍾意食冇咁咸0既鼓油0既朋友可以有多一個選擇。

另外，呢度0既下午餐有個優惠，就係有部份0既壽司喺下午餐時段會由一碟兩件增加到3件，所以雖然我地點左7款壽司，但係共有21件之多，所以都算係幾抵食。而我個人都幾鍾意去黎度，因為呢個商場喺假日0既人流唔算多，呢個時間黎食野0既人相對唔係咁多，冇咁嘈就可以兩個人(又或者一支公都OK) ENJOY 下一餐寧靜0既午餐。

我地第1 ROUND 叫左火炙三文魚、火炙帶子、吞拿魚、鱆紅魚同油甘魚。呢幾隻裡面個人認為油甘魚同吞拿魚(佢地話仙台直送，不過我就食唔出特別新鮮)都仲比較好，而鱆紅魚亦都算係中規中舉。但係好比較奇怪0既係兩款火炙壽司竟然唔熱 ... 我冇質疑佢係咪落ORDER先整，不過冇理由一D暖0既感覺都冇? 不過火炙壽司0既話唔暖0既話就真係只係麻麻囉。

第2 ROUND就點左龍蝦沙律同海膽魷魚，感覺個龍蝦沙律味都算唔錯 ; 個海膽魷魚個賣相還可以，不過可惜味道就差DD小小喇 (唔係唔好食，係感覺冇乜海膽0既感覺)。

埋單每人大概60，你話佢好平當唔可以咁講，但係以佢個份量黎計都算OK 抵食，適合多1/2 個人一齊SHARE。