泰屋 (已結業)

阿媽生日，之前已提前喺周末大出血成家人去食buffet慶祝，嚟到正日，作為乖乖女嘅我就慳慳地團購左個兩人泰國餐同阿媽撐枱腳~揀呢間餐廳嘅原因除左因為近屋企，仲諗住平平地可以入酒店食晚餐，相當唔錯啦！book左6:30pm，可能係閒日關係，計埋我地得4枱客～我地被安排左一個近露台位置，環境非常清幽同有情調～入正題講返個餐，首次黎一個冬蔭功湯，入口感覺好正宗，料足帶香及微辣，即時醒胃～之後就都3款前菜，包括，沙律好清新，如果份量可以多ｄ就好了～魚餅都好香脆可口，雞翼都炸得恰到好處，咬落有好多肉汁～主菜有椰菜苗炒泰式燒豬肉及蛋花黃咖哩大蝦配油酥餅，因為我同阿媽已開行turbo食食食，所以忘記影相～講真ｄ野食都幾好味，不過份量就少ｄ，可能係因為團購關係啦，男人就肯定唔飽喇，我地兩個女人仔，都係靠果幾塊油酥餅填飽個肚，哈哈～