TEA HUB (已結業)

黎到長沙灣，去到蘇屋附近，行到呢間見到裝修好特別，就入去試下。真係唔覺得自己係深水埗長沙灣區。樓底高，又好文青，播住啲清新歌，幾驚喜。係茶為主，來一客可以清新一下(￣▽￣)。茶漬飯，香茅薑茶脆魚塊，仲配左一隻溏心蛋，58元。好清新，清清淡淡，幾好味。薑茶飯都係第一次食，我都幾鍾意。朋友點嘅係茶湯冷麵，柚子煎茶雞翼，另外仲有玄米茄子，58元。由於所有都係有茶配，雞翼有別於平時食嘅雞翼，有啲酸，但係好食。另加咗20元，伯爵茶大根，山渣洛神花茶。整餐飯都係清香，茶亦夠。呢度好值得花時間逗留，係難得嘅清靜地。（用膳時為8月尾）