養心殿台式養生鍋 (已結業)

友人係呢頭做完嘢想約我食飯，當然捨命陪君子，想傾下計又無需限時交枱，我就提議去呢間台式火鍋多款特式台式養生湯鍋，亦有麻辣湯底，可以叫雙拼湯底，照顧同枱食辣同唔食得辣嘅人士需要友人好魚，於是選擇寧神養心鍋 ($168)， 以川芎， 白芷， 天麻， 當歸，鮮鷄，豬肉及鮮魚淆成，滾起打開蓋時已聞到好香藥材味!  用魚煲嘅湯通常都會係奶白色，先飲頭啖湯，飲落好香藥材味，見到唔少藥材料，但味唔會過濃，飲完一碗感覺舒服!成個鍋有一個魚頭及一隻竹絲鷄， 魚頭煎香左一D都唔會腥，魚雲夠滑， 魚骨都煲到腍晒; 而鷄肉烚完有少少嚼口，食左半隻都已經有少少飽，但又唔捨得唔食喎!御選梅花豬 ($118)，豬肉片肉色靚仔，捲成卷狀，一客份量都唔少雖然係豬肉但係薄片，唔駛烚好耐已經食得，帶少少脂肪位，入口幾嫩滑，無臊味自家製極品水餃 ($42/半份)，半份有4隻，每隻都相當飽滿，兩個人食岩岩好烚完都係咁大隻，皮薄，質感相當紮實，餡料調味適中鴨血 ($48)，第一次單叫，原來都唔少件喎唔會一夾即散開，望落似果凍，口感超滑溜，加D芫茜蔥一齊食，增加香味及口感!本來想叫冰菜但無貨，改為呢個雜錦蔬菜盤 ($68)都唔錯，