佳佳甜品

營業中

休息中

薑汁，芝麻糊，湯圓。三個重點都試了一遍。芝麻糊號稱是即磨的，熱上。質地夠滑又厚身，唔會稀到出水咁。甜度方面剛剛好，無話平時粉沖嗰啲甜到無芝麻味。所以喺香港，食芝麻糊有芝麻味都唔係必然大佬，我食芝麻糊嘛，唔係芝麻漿嘛，當然要夠杰，芝麻要夠香啦。$19 一碗，根基札實，簡單得嚟又貼切主題離遠都嗅到陣薑汁味，溫熱微辛暖感覺隨喉嚨直達腸胃。湯圓外皮實在，軟綿綿糯米包着芝麻。不禁令我反省，過往曾經食過幾多太淋的失敗湯圓皮。好少可拎完米芝蓮仲會咁札實，而且$19價錢繼續賣真材實料真心筍，唔怪得發哥都讚好。見到長龍唔好怕，值得為佢等一等。裝修懷舊得嚟又企理光猛，啲碗都專登揀舊款。無乜好挑剔。如果話佢無乜選擇。大佬呀，佢做得咁專，點有精力搞咁多花臣呀？你寧願食一款平靚正嘅，定係好多款但全部唔好食呀。日本都有好多舊式小店，淨係賣一款嘢，都一樣值得珍惜，會欣賞。