鉄人旨花 (已結業)

之前食過銅鑼灣嘅鉄人旨花鐵板燒，印象深刻，知道原來而家響西環開咗一間食刺身飯嘅分店，二話不說又衝左過嚟！先來一碗大蜆麵豉湯，飲落有驚喜！好豐富嘅蜆味！麵豉湯底不太咸。飲落每啖充滿鮮味！主角當然係魚生飯，叫左海鮮山丼，有加拿大馬糞海膽，三文魚籽，呑拿魚腩蓉加牡丹蝦。海膽又大又creamy, 一口食唔哂，魚籽粒粒鮮甜味美，咬開後鮮味湧入喉嚨。呑拿魚腩蓉好滑，牡丹蝦彈牙膠質重，溶入呑拿魚腩蓉中好match!!小食要左喜之次，200蚊有找，平時起碼$800,可能呢款比較細，但肉質都好彈牙。魚肉燒過後有小小焦香。燒得金黃，小小脆。埋單都係400有找，感覺有質素之餘好抵！