川之味麻辣米線 (已結業)

閒日去太子的話，一定會黎食，節假日太多人就未必啦。雖然係人都知呢度既辣湯底先係精髓所在，但由於本人極之唔食得辣，所以小小都唔敢試。所以今次我點左牛肉加黑柏葉，清湯。首先講下D牛肉，熟成度剛剛好，熟得黎又唔會老同韌，食落嫩滑彈牙，而且量都幾多，唔似有D連鎖店兩餸以上時每樣象徵式得小小，錢加左但份量無變。而黑柏葉更是我最愛，因為我鍾意食D比較爽口既野，而黑柏葉比起一般白色更有過之而無不及，而且佢本身既加工步驟比較少，即係1相對健康D。其他配料就一般質素，未知是否因為烹煮過程較久，質地上都比較腍，就連米線也一樣，幸好我唔介意較腍身既米線，米線口感滑溜，非常易入口。