照常理當肚餓時應該食乜都好好味，到康山美心快餐為求穩陣，盡點大路貨色，唔好搞花臣野喇。
(1) 焗豬扒飯：一大缽獻(絕對唔係汁)鋪面配一塊2寸半長 x 4寸闊 x 1/2寸厚的無味豬扒，一口咬落，雪味濃郁；投降!!$36就此報銷。
(2) 豬軟骨湯麵套餐(配日式餃子)
豬軟骨騷味爆燈，湯底味精勁重手，扒兩啖後覺得應該更為自己腸胃設想，再投降! $36再報銷!
日式餃子：賣相酷似呻完鼻涕的紙巾，用筷子篤兩野質感卻極其堅韌，未知是否鍾嘉欣所代言之紙巾所包成。
浪費了$72，罪過!
抱歉沒有零分或者負分可供選擇。
