韓舍 (已結業)

想試試呢間好耐，最後走入元朗店試一試。果然好多嘢食，韓燒只是一部份，熱食，壽司，魚生，甜品.....本來只想食烤肉，到後來只攻甜品，連爐都熄埋。講返韓烤食物，肉類，海鮮，蔬菜様樣齊，喜歡雞肉，味道唔錯，另外烤肉中意想不到會有生蠔，很高興！蔬菜種類都多，並且很新鮮.即食食物中的壽司賣相好，並不是求奇。水煮魚十分滑，豬腳薑好食，整體都好好。反而冷盤中的蝦就麻麻地，冇蝦味。餐廳提供很好趣味DIY食物，格餅，璋魚燒，棉花糖，雪條等。