華星客棧 (已結業)

一直欣賞華星冰室嘅茶餐，快趣好味份量夠，睇雜誌知道華星客棧喺西環開張，過嚟捧吓場。新店門面闊落搶眼，由2014年12月2號開始，試業期間，早午市依舊做招牌茶餐生意兼售新鮮出爐麵包，6點後做小菜晚飯。       店內一貫光猛新潮玩味十足，金字招牌，雀籠燈飾老土吊扇，玻璃櫃串起好幾排雞翼，原來就係招牌菜之一嘅鴛鴦糯米釀雞翼。一坐低，侍應依舊敏捷，遞上一本圖文並茂武林秘笈，又係搞GIMMICK嘅MENU😆,我信佢叫咗萬佛朝宗同化骨綿掌😆😆杏汁燉白肺湯$58原盅燉湯，杏汁味濃郁，一開蓋已經湧住出嚟，豬肺瘦肉都腍滑無渣，仲有白菓平衡杏味，水準媲美利園級數，無諗過喺茶餐廳食到😳，強烈推介👍👍👍鴛鴦糯米釀雞翼$48招牌菜之一，顧名思義係用白糯米同紫米，蒸熟加金華火腿、瑶柱、蝦米及冬菇，釀入去骨雞翼內，串起風乾後炸至金黃，皮脆肉嫩惹味飽滿，啖啖肉唔使𠼱骨，正👍👍金箔京式賽螃蟹配鎮江醋$108賣相一身貴氣，雪白賽螃蟹鑲嵌一個生蛋黃，上舖不少金箔，迎風搖曳，賽螃蟹結實欠幼滑，粉質太重而且膩口，但味道尚可。海鮮雜菜㷛$108大路煲仔菜，海鮮包括班片、鮮魷同海蝦，菜蔬同菇類用料新鮮，水準以上。