好彩海鮮酒家 (已結業)

今日專誠去新開無耐既好彩飲茶,俾我第一感覺係門面堂皇美麗,有D似童話感覺,入到去叫左十幾樣點心,基本上可以接受,唯獨價錢較貴及份量較少,整體食物質素尚可,但美中不足係服務員效率有D慢,同埋餐具有D污跡,衛生方面要加多改善。我會推介$12煲仔飯,佢既飯吾會過燶、過硬、過淋,口感甘香鬆軟,我叫既臘味煲仔飯既份量都多,D料算新鮮,叫個小點心都成$8.5,$12煲仔飯填飽你半個肚子,可以話抵點心要彈係珍珠雞有D怪味,吾知係D飯/料有問題,還是包住果塊葉造成,如果大家叫哩樣點心時再有同樣問題,不妨係食評上再次指出或在佢俾你既意見表上寫低,然後投放酒樓附設的意見箱內等佢改善,為大家既飲食權益謀福址埋單連加一及貼士$200,仲諗住連加一不計貼士過$250,可謂意料之外,但整體既食物質素、環境都值得下次再來。