大力棒棒摩登中菜 (已結業)

今日無食早餐，見有新餐廳，於是入去試下early lunch. 可能因為早，只得我地一枱，員工都好似尚未準備好。午餐選擇豐富，有平有「貴」，最「貴」富貴餐有鮑魚，＋鮑汁撈飯（好懷念阿一鮑汁撈飯...）只係百幾蚊，一於豪一豪。富貴餐賣相唔錯，鮑魚有口感仲有D似乾鮑，花膠都唔算太薄，鮑汁撈飯原來係比碗白飯你自己撈碟餸D汁，見鄰枱仲可以免費添飯。以這價錢算超值，套餐仲包例湯，太感動啦！最後食到兩點，都只係得6成滿，仲要有好多自由行，可能宣傳不足。