新光宴會廳

營業中

休息中

前幾日去咗沙田富豪花園唯一一間食肆餐廳酒家，因為附近真係冇其他選擇，諗住試吓嗰度啲炒小菜或者碟頭飯，所以冇叫到點心。上到去同一般舊式酒樓差唔多，但可能因為幫襯開嘅都係啲街坊街里，所以都見到好多街坊喺度做自己嘢，有啲開住部電腦，有啲就拎晒啲功課出嚟補習，唔真正嘅食客反而唔多。跟住魚缸嗰邊有一間房，我去廁所嗰陣時偷望到入邊應該係搞緊一啲跳舞嘅活動，因為廁所位都有啲更衣室同埋locker比佢哋跳開舞嘅老朋友放佢哋嘅用品。咁我同兩位朋友叫咗唔同嘅食物都係啲碟頭飯，但就冇特登影佢哋嗰兩疊啦，而我就叫咗呢一個南瓜排骨陳村粉，因為出邊好少有，點知佢唔單止要整好耐先嚟到，而且仲非常難食，所以非常失望。因為佢要加茶界同埋服務費嘅關係我哋幾個人食咗幾百蚊，但大家討論過都係唔會再嚟。