影片
更多
2022-02-03
141 瀏覽
Indian Set Lunch $128馬沙拉香料洋蔥蕃茄燴羊 (Lamb Handi) 睇嚟深色嘅醬汁味好濃郁，幾乎食唔出羊羶味，即使有嘅話都非常輕，Masala香料正好冚住嗰啲味。爐烤香味芝士球 (Paneer Tikka) 一塊正方形嘅奶豆腐（芝士球），上面鋪一塊黃色嘅燈籠椒，味道喺類似在街市上售賣嘅硬豆腐，卻烤至金黃，夠晒香口之餘，底下又多汁，勁yummy😋 ！印度烤餅 (Naan) 既鬆軟又煙韌，好似帶有輕輕嘅牛油味，唔錯！😋什菜沙律車厘茄、青瓜、生菜和沙律菜，灑上橄欖油與鹽，味道清淡，不過不失。玫瑰糖蜜餞奶球 (Gulab Jamun) 油炸嘅奶球上，加入玫瑰糖漿同煉奶，雖然係甜到漏同埋真係甜得滯，但係有陣奶香味和有幾分似係食緊油炸鬼嘅滋味。923 北印度番紅花雜菜香飯 (Lucknow Veg Biryani)一打開嗰盒，聞到陣陣嘅薄荷清香，擺咗兩、三片做裝飾，呢種biryani同市面上由巴基斯坦裔主理的顏色更鮮艷，添加紅色與橙色嘅色素唔同，整體色澤較淡，以深黃為主。配菜放咗好多腰果、秋葵、炒至焦糖色嘅洋蔥絲，適量嘅青豆同栗米，以及一些香料。配菜令人驚艷卻豐富，吃素原來
馬沙拉香料洋蔥蕃茄燴羊 (Lamb Handi)
睇嚟深色嘅醬汁味好濃郁，幾乎食唔出羊羶味，即使有嘅話都非常輕，Masala香料正好冚住嗰啲味。
爐烤香味芝士球 (Paneer Tikka)
一塊正方形嘅奶豆腐（芝士球），上面鋪一塊黃色嘅燈籠椒，味道喺類似在街市上售賣嘅硬豆腐，卻烤至金黃，夠晒香口之餘，底下又多汁，勁yummy😋 ！
印度烤餅 (Naan)
既鬆軟又煙韌，好似帶有輕輕嘅牛油味，唔錯！😋
什菜沙律
車厘茄、青瓜、生菜和沙律菜，灑上橄欖油與鹽，味道清淡，不過不失。
玫瑰糖蜜餞奶球 (Gulab Jamun)
油炸嘅奶球上，加入玫瑰糖漿同煉奶，雖然係甜到漏同埋真係甜得滯，但係有陣奶香味和有幾分似係食緊油炸鬼嘅滋味。
923 北印度番紅花雜菜香飯 (Lucknow Veg Biryani)
一打開嗰盒，聞到陣陣嘅薄荷清香，擺咗兩、三片做裝飾，呢種biryani同市面上由巴基斯坦裔主理的顏色更鮮艷，添加紅色與橙色嘅色素唔同，整體色澤較淡，以深黃為主。
配菜放咗好多腰果、秋葵、炒至焦糖色嘅洋蔥絲，適量嘅青豆同栗米，以及一些香料。
配菜令人驚艷卻豐富，吃素原來一啲都唔寡，
「滑潺潺」嘅秋葵同香脆嘅腰果，估唔到都幾夾，美味可口嘅香飯，不知不覺間愈食愈多，好快被自己吃光了。😋
雖然素biryani份量好多，但係都要一分為二先至食得哂。
附送嘅香草洋蔥乳酪 (raita) 同Mirchi Ka Salan可以撈飯食，也可以蘸印度烤餅、抓餅來吃。😋
804 茅屋芝士球釀乾果 濃香蕃茄腰果蓉奶油咖喱 (Paneer Mumtaz)
微辣，冇咩酸味，富有腰果嘅油脂味同埋蕃茄味，入面有好幾件方形「奶豆腐」嘅茅屋芝士。
咖喱汁本身好濃稠，做得好細滑，市面上嘅印度餐廳喺搵唔到呢種口感。
當時我將食淨嘅咖喱汁溝適量凍水，擺雪櫃過夜，第二日準備喺另一間巴裔開嘅餐廳買幾件印度烤餅同1條Chicken Tikka Roll後，準備再度加熱淨低嘅汁，一邊點吓咖喱，一邊享受咀嚼眼前嘅美食，同時飲埋杯熱印度咖啡…🤪
Indian Set Lunch
$128
3 瀏覽
0 讚好
0 留言
北印度番紅花雜菜香飯 (Lucknow Veg Biryani)
0 瀏覽
0 讚好
0 留言
Mirchi Ka Salan
0 瀏覽
0 讚好
0 留言
Raita
1 瀏覽
0 讚好
0 留言
茅屋芝士球釀乾果 濃香蕃茄腰果蓉奶油咖喱 (Paneer Mumtaz)
3 瀏覽
0 讚好
0 留言
張貼
