密密燒

營業中

休息中

呢間野之前聽過好多次，今次終於黎食啦，黎之前最好book位，因為都幾full，18:00先開，4個人以內可以2.5小時任食，多個4個人就3.5小時，佢一晚可能只係做到1-2輪客，所以唔book位真係有排等。不過有一個缺點就係，一枱得一個爐，即係6個人都係得一個爐，燒得比較慢。坐到埋位，職員會介紹下點燒，枱邊有個大袋可以裝手袋背囊，飲品自己出去攞，除左罐裝汽水、啤酒，仲有豆漿。食物用手機scan QE code落單，有豬、牛、羊、雞、丸、蔬菜，款式唔係好多，但夠食，點完之後，5分鐘左右職員就送到黎，好快咁對一次我地點既食物，岩就放係5層架到，自己慢慢燒。佢個爐係自動架，放左d串燒落去之後，邊邊位有齒輪，令串燒自己轉，但唔可以放得太密，d串燒太闊身會阻住隔離個串郁。食物質素唔錯，本身已經有調味，自己亦都可以查燒汁或者落粉，會再香d。價錢方面，$238/位，免加一，幾抵食，因為我地4個人食左過百串串燒，又飲左好多野，抵返哂。整體黎講：懶人燒烤，好玩又好食，價錢合理，職員又有禮貌，係一間用心經營既店，下次會再幫襯。