密密燒

營業中

休息中

呢間串燒店係深水埗，好中意佢地每個燒爐既頂都有一個大抽油煙機，可以抽走晒啲油煙，唔會食完成身味！法國廚師腸👀其中一樣我食唔停既串燒，廚師腸真係由細食到大果隻，質地係腍得黎結實架，好有咬口，亦好香肉味，燒完仲可以點啲薄荷醬黎食，味道仲突出，或者可以點啲燒汁咁食，都係好香，燒完熱辣辣咁食好正！三色椒👄健康啲食串燒都要食番啲菜，三色椒切開晒一舊舊咁燒，一啖一舊，夠晒新鮮，唔駛燒好耐，食菇仲好清甜，表面又脆脆地！大啡菇👅我勁愛食菇，呢度既大啡菇好新鮮，未燒已經聞到菇菌既濃味，燒完有啲汁，淋淋地咁食，菇菌味更突出，食多多都得呀！牛舌💋牛舌都估唔到切得幾厚，一舊厚厚地咁燒口感好好，幾煙韌既，嚼勁唔錯，咬下咬下牛味好突出，口感味道都有！