Our Little Dream (已結業)

來這裡食飯由於回了家🏠朋友生日慶祝梗係要就番佢附近食飯，我話過想試晒海旁咁多間餐廳，今次機會又來了。墨魚汁天婦羅帶子唔好睇佢個樣好似唔係太好睇，真心有驚喜，外面黑色咁其實係墨魚汁，咬落去帶脆，入面包住帶子。好特別。自家製肉醬意粉我會形容為比我家母親大人煮的更足料，首先面頭係超多芝士，而且佢夠熱，一撈勻芝士就做到溶既感覺，佢嘅肉真係超多。自家製豬腩片卡邦尼意粉 我會形容為我食過卡邦尼中最好食嘅，佢嘅豬腩片都係好多，但佢唔會話好肥嘅感覺，佢嘅醬汁唔會話好滯，對我來講啱啱好，最緊要佢又係爆多芝士，依家諗起都想繼續食。提前幾天同佢講慶祝生日，當天會附送甜品。而當日嘅甜品係千層酥，真係好好食，仲唔會話好滯。由於佢係90後兩公婆經營，所以會見到佢屋企人同埋佢嘅小朋友，而且大仔好叻，仲會同我傾偈。佢哋仲喺間鋪畫咗個區域俾小朋友玩，我諗係方便可以睇住佢小朋友之餘屋企人帶小朋友嚟食嘢都可以玩，真係家的感覺🥰少少題外話，就係朋友由於留低咗野喺度，店員跑出來俾返朋友，仲要佢嘅全家總動員望晒出嚟俾唔俾到我朋友，呢下嘅感覺覺得好有愛，感覺到佢哋好緊張。